愛書堂

莫嫌舊學偏新學

心遠廬

不薄今人愛古人

主頁

 

民初粵謳  南音  龍舟

頁:   1..   2..   3..   4..   5..  6..  7..  8..  9.. 10..  11..  12..  13..  14..  15..  16..  17..  18..  19..  20..  21..  22..  23..  24..

廖恩燾粵謳解心   粵韻絃歌   藝海光華   星影浮沉   好歌百回聽     歌影東瀛     歌壇憶舊   經典名曲120   經典歐美流行曲    經典歐美電影 一覧


除卻了阿九  葉茗生作品

除卻了阿九,重有邊一個及得佢咁銷魂。任得你靚到鬼火咁淒涼,都要讓佢幾分。呢佢兩頰桃花,不用搽脂盪粉。石榴裙下,佈滿不二之臣。講到佢抱起琵琶,就越發唔洗問。唱到關王廟相會,佢重句句咁傾心。銷魂一曲,的是非凡品。鶯喉婉轉,真係蕩人魂。知否月不常圓花易落。紅燈夜夜,應該要早覓知心。妹呀,快活風流非長幸。你遇到個真情者,你就要格外留神。淨係替箇養母發財,非你本份。我勸你求籤拜佛,應該問番紙自身,因為年紀係會漸高,容貌會漸退,從前恩客會變作陌路之人。妹呢,你性本係咁聰明,你平日係咁謹慎,又知否黃金難買過去左既光陰,所謂樹高千丈又何須問,人無歸結,好極都係閒聞。面對個世界,你慢慢想真,喉就會噎哽。酒壺拈起,眼淚粘喉吞。總之唔得到上街呢,千日都係無倚憑。試問從良箇兩個字呀,妹呀,你想透唔曾。你知否多少痴男,為你賤視封侯印,知否情到深時會恨更深,總之花債未完都非福份,休再混,望你脫離苦海,好過我步上青雲。

粵謳   風已緊    清末民初《 粵東小說林丙午年第 三期   

風已緊,漸漸又到冬來。想起民庶飢寒,有邊個為佢恤災。雖則暑往寒來,天性亦有變改。君呀係飽暖安然,亦都要記念吓草菜。怪得話熱極就噲生風,都唔熱得幾耐。人事與共天時,一樣可哀。做乜同胞呼籲,君呀你總唔秋采。(借用)點得見吓温和世界,大眾共上春台。呢會風景唔似前時,天呀亦唔見得你可愛。唉,真無奈,好景難等待,點得你甘雨和風,澤及八垓。


南音   祭瀟湘

含淚攜壺呼麝月,傍花隨柳出深閨,行行不覺到了瀟湘館,只見翠竹蒼松雨色迷,殘花滿徑無人掃,泥落樑燕子自飛,湘簾不捲爐煙冷,夕陽晲之睆G聽烏啼,紅樓人去春深鎖,可惜金屋塵封月再歸,我淒涼忍不住相思淚,低頭奠酒訴衷辭

初杯酒,百花香,生自銷魂苦斷腸,一朝春盡紅顏老,呢陣月明誰為弔瀟湘,正係星漢有槎津莫問,天臺無路恨偏長,恰似春蠶到死絲方盡,又似銀燭成灰淚未乾,怎奈鴛鴦破夢朝雲散,螂蟀聲悲暮雨涼,妹你卻怨無能填北海,虧我洗愁除是缺西江,重講乜問菊當年誇第一,傷心容易又近重陽

二杯酒,恨如山,魂離倩女莫再生還,風流此後成煙散,怡紅無望再啟花關,我淚縱成湖流也盡,心原似石欲轉還難,好比珠沉赤水求非易,玉碎藍田種已慳,只為愁消多綠鬢,皆因情重誤妹你紅顏,知你仙緣不比塵緣滯,蓬萊此去望你早列仙班,此後瀟湘夜夜銷魂雨,此後無復瑤琴風聽彈

三杯酒,淚紛紛,繁花舊夢不堪聞,十載綢繆成畫餅,恩愛無端一旦分,此後香不返魂空有恨,草無懷夢枉傷神,傷心往日風流事,空餘花落怨黃昏,正係離恨有天難補否,高唐無夢再行雲,姻緣一誤嗟何及,春去桃源莫問津,可惜一坏黃土埋青女,空餘冷月照秋墳

情倍切,淚飄紅,春入紅樓夢已空,睇下悲歡離合雖則皆前定,未知他生能否再相逢,花魂杳杳未曉歸何處,月色茫茫夢不通,點得死去化作並頭原不惜,真正斷腸甘願共化作芙蓉,縱使春色飄零圖一快,免致落花無主怨狂風,花呀飄落好隨流水去,呢陣無人香塚為你泣殘紅,點估葬儂他日竟成詩讖,人亡花落兩成空,煙銷香斷誰憐憫,你睇簾前隻鸚鵡常喚出金籠,花若有情須念舊,香魂常伴在泉中,免佢年少風流成寂莫,吟哦空對月朦朧,相思路遞空嗟嘆,離恨天涯又阻隔不通,細想地久天長還有盡,綿綿此恨總無窮,霏霏沾淚濕透羅襟底,又到丫環催促要轉行蹤,佢話主呀遠樹歸鴉才日晚,你不而歸去莫從容,自古人生一死難重活,你縱然哭極也成空,聞道天上人間總有重相見,或者到頭他日可以再相逢,公子多情心意重,九泉應是慰佢心中,寶玉聞言愁有萬種,滿懷情緒恨無窮,今日禪心已作泥沾絮,鷓鴣無望再舞東風,今生未得共妹諧鸞鳳,肝膽痛,歡懷何日共,只有含愁帶淚強轉怡紅

另一版本載今夢曲》前段略:

含淚携壺呼麝月,傍花隨柳出深閨。行行不覺到了瀟湘舘,祗見翠竹蒼松暮色迷。殘花滿徑無人掃,泥落梁空燕自飛。湘簾不捲爐烟冷 ,夕陽牆角慘聽烏啼。正係紅樓人去春深鎖,可惜金屋魂空月半歸。淒涼忍不住個一點相思B,待我低頭奠酒哭叫顰兒。

初杯酒,百花香。生自銷魂死斷腸。一朝春盡紅顏老,月明誰謂弔瀟湘。正係星漢有槎津莫問,天台無路恨偏長。恰似春蠶到死絲方盡,蠟燭成灰淚未乾。怎奈鴛鴦夢破朝雲散,可惜蟋蟀聲悲暮雨凉。知你積恨可能填北海 ,虧我洗愁除是决西江。講乜問菊當年誇第一,傷心容易又近重陽。

二杯酒,恨如山。魂離倩女莫望生還。風流此後人星散,呢陣怡紅無望為你再啟花關。虧我淚縱成湖流未盡,心原似石欲轉應難。珠沉赤水求非易,玉碎藍田種已慳。祗為愁多消綠鬢 ,都因情重誤紅顏。知你仙緣不比塵緣滯,蓬萊此去願你早列仙班。瀟湘夜夜銷魂雨,無復瑤琴共細彈。

三杯酒,淚紛紛。繁華舊事不堪聞。十載綢繆成畫餅,恩愛無端一旦分。此後香不返魂空有恨,草難成夢枉傷神。傷心往日風流事,空餘花落怨黃昏。正係離恨有天難補石,高唐無夢復行雲 。姻緣一誤嗟何及,春去桃花莫問津。可惜一坏香土埋春艷,空憐冷月獨照孤墳。

情倍切,淚飄紅。春入紅樓夢已空。悲歡離合雖則皆前定,他生能否再得重逢。花魂渺渺歸何處,月魄茫茫夢不通。點得我死去共你並頭緣不息 ,斷腸甘願化作芙蓉。春色飄零同一恨,免使落花無主怨狂風。花落好隨流水去,呢陣無人荒塚為我更泣殘紅。點估葬儂他日竟自成詩懺,人亡花落兩成空。烟消香斷誰憐憫 ,簷前鸚鵡尚喚金籠。花呀,你若有情須念舊,香魂常伴妹在九泉中。免佢年少風流成寂寞,吟哦空對月色朦矓。相思無地空嗟嘆,離恨天涯阻隔不通。地久天長還有別,虧我綿綿此恨總無窮 。霏霏流淚濕透羅衾底,又到丫環催促主行踪。主呀,你O遠樹歸鴉斜日晚,不如歸去莫從容,人生一死難重活,縱然哭極也成空,聞道天上人間終有重相見,到頭他日得再相逢,公子多情心意重,九泉應亦慰佢心中,寶玉聞言無語答,滿懷心事恨無窮,今日禪心已作泥沾絮,鷓鴣無望再舞東風,此生未得共妹諧鸞鳳,肝膽痛,歡懷何日共,只有含愁帶淚就強步轉怡紅


招子庸廣東南海人字銘山嘉慶年間舉人。曾做過濰縣知縣頗有政聲後因事失官於繪事亦精。於道光元年(1821)間輯《粵謳》一書,收錄這類歌曲,共分九十七題,一百二十一首, 也有自己的作品,代表作有《弔秋喜》、《解心事》。

粵謳   弔秋喜    招子庸作

聽見你話死,實在見思疑。何苦輕生得咁癡?你係為人客死心,唔怪得你。死因錢債。叫我怎不傷悲?你平日當我係知心,亦該同我講句,做乜交情三兩箇月,都冇句言詞?往日箇種恩情丟了落水,縱有金銀燒盡,帶不到陰司。可惜飄泊在青樓,孤負你一世,煙花場上,冇日開眉。

你名叫做秋喜,只望等到秋來,還有喜意。做乜才過冬至後,就被雪霜欺。今日無力春風,唔共你争得啖氣。落花無主,咁就葬在春泥。此後情思有夢,你便頻須寄。或者盡我呢點窮心,慰吓故知。

泉路茫茫,你雙脚又咁细。黄泉無客店,問你向乜誰棲。青山白骨,唔知憑誰祭。衰楊殘月,空聽箇隻杜鵑啼,未必有箇知心,来共你擲紙。清明空恨箇頁紙錢飛。

罷咯!不若當作你係義妻,来送你入寺。等你孤魂無主,仗吓佛力扶持。你便哀懇箇位慈雲施吓佛偈,等你轉過來生,誓不做客妻。若係寃債未償,再罰你落花粉地。你便揀一箇多情 ,早早見機。我若共你未斷情緣,重有相會日子。須緊記,念吓從前恩義。講到銷魂兩箇字,共你死過都唔遲。    

龍舟 冬烘先生訴苦

情默默,自含悲。虧我成年教學。冇日開眉。講起苦情,真惡抵。好似鳥處樊籠,不得飛。名號雖則係先生,無所謂。可歎飢寒勞苦,樣樣都齊。此事早知唔過濟,怎奈貧窮,監自吃虧 。一世苦有得過捱,錢冇得過你駛。每年三幾十,委實難為。想話轉行,來做別藝。總係自問無能,一味慘悽。迫得甘心忍氣,為奴隸。慘過長埋地獄,永墮入泥犂。重話斯文循古禮 ,穿起個件長衫,幾咁勢威。點估詎內容,真係弊。促襟肘見,不消提。衣服冇件光鮮,
(平聲)唔在計 。重怕菜根咬斷,抵餓捱飢。問我才能,邊樣係。戒方一碌,與及幾卷紅皮。週日咿唔咕嗶,如循例。者也之乎,講到口水飛。板櫈坐穿,無乜手藝。得閑躲懶,就借捉虱為題 。若係多得幾位門徒,唔算運滯。只怕生意蕭條,好是一個墮落雞。點得斬斷窮根,唔駛閉翳。唉,真累世。講到長年景况,就苦上心嚟。

初開館,就担煩。最是留心,係呢幾學關。父母與及妻兒,須食飯。修金多少,點敢當作為閒。第一要勤工,唔惰懶。得免飢寒,全靠館一間。第二品望貴敦 ,還要勵行。(仄)時時檢點 ,免俾別人彈。第三要一部四書,平日熟爛。才學兼全共仰攀。一樣唔能,人怕將你待慢。試睇近來世界,係點樣子艱難。當時心事愁無限,週歲營謀,都係為個一單。教館嘅錢 ,唔易贃。况且學童八九,大半係刁蠻。想起含辛茹苦,常捱慣。幾番惆悵,淚潸潸。年年如是,好似成刋板。唉,真可嘆,莫把愁根剗。試問有何好景 ,令我笑到開顏。

將散館,恨更難蠲。一年駛用,有乜餘錢。油鹽柴米,自己唔能免。何况家計困人,重要打算添。爛襪爛鞋,經已盡典。生借無門,問有邊個可憐。有陣束脩催討,佢重詐作唔聽見 。飢腹雷鳴,亦不敢叫寃。想話留檯,又怕落面。頂硬斯文架子,有口難言。開館計到收場,無一日不賤。工價稀微,又是辛苦到顛。週日喃喃書一卷,雞窠牛竇位相連 。節禮贄儀,唔慌見面。埋頭埋腦,鐵硯磨穿。若教着頑童心不轉,天地玄黄就喊一年。咁就激到亞佗。腰噲店。(借用)暗塈t愁 ,苦自煎。最怕回家,見左賢妻面。話我長年咁耐,贃不得一文錢。默默無言,難以辯。無可奈何,偷怨一句天。散館方完,又計到明歲個件。唉!真討厭,此後唔知點 。點得明年館運,重好過從前。

遇着提學使,越發生愁。講起番嚟,確實可嬲。筆墨生涯人所有,問你把强權酷待,到底着乜來由。我等無非因守舊,全羣招考 ,未免摟休。個陣聞言,無氣可抖,幾番懊惱幾番愁。不過話整頓學章,方無乜弊漏。獨係各行其是,駛乜你替我擔憂。試問因何將計扭,唔通共你,有好大寃仇。細想我文才 ,唔係講究。一旦名落孫山,你話幾咁愧羞。咁樣子看來,無乜可救。分明失了,舊日嘅撈頭。將來又怕難糊口,總係自怨吓前生,陰不修 。故此今生,來把難(去聲)受。唉!難講透,運水唔將就。可嘆我半生,都冇一日自由。

粵謳   今年春景    清末民初中外小說林戊申年第二期

今年春景,分外唔同。遊春人仔,要多謝一句天公。自古話繁華世界,到底如春夢。試想吓無多好景,有得幾耐相逢。你睇多情蜂蝶,故意係花前弄。往復徘徊,勢不肯放鬆。君呀。何况我地本來生性,又是多情種。點肯把韶光虛度,辜負的柳綠花紅。風流兩字,。豈有心唔動。就係夢堨h尋君,亦見路路可通。咁好嘅春光,唔着讓第個作用。唉! 遊興湧。懷春情更重。最是撩人着意呀,係個的未老芳容。
 

本站旨在弘揚和傳承源遠流長之中國文化,網頁內容或有轉鈔各名家著論。如有謬誤及冒犯著作權益,請即指正 ,自當修改刪除。