愛書堂

莫嫌舊學偏新學

心遠廬

不薄今人愛古人

主頁

 

民初粵謳  南音  龍舟

頁:   1..   2..   3..   4..   5..  6..  7..  8..  9.. 10..  11..  12..  13..  14..  15..  16..  17..  18..  19..  20..  21..  22..  23..  24..

    廖恩燾粵謳解心   粵韻絃歌   藝海光華   星影浮沉   好歌百回聽     歌影東瀛     歌壇憶舊   經典名曲120   經典歐美流行曲    經典歐美電影 一覧


龍舟   名曲藝家  李銳祖自撰    考順歌

 

人生在世,係孝字為高,喂,雙親恩義,問你地知無。佢懷兒十月,就要將胎補,臨盆分娩,唉,好似死過翻甦 。得兒落地又要求神護。□□占算 ,共你契佛圖符 。過了三朝七日,畧畧消煩惱。綿乾絮濕,做盡功夫。一聞你哭響,又快將兒抱,忘餐廢寢囉,不癉勤勞。仲有出痘出痲,又要多關顧。凉凉熱熱 ,要揾湯水煲 。好物口慳留番仔個肚。教行教話囉,左右拖扶。昔日孟母三遷,都係為把兒教導。免你同啲頑童打鬥,攪到亂嘈嘈。又到擇年進館,係要揀先生好,恐防不慎囉,你就會把學來逃 。讀得三五七年,又要同你尋條好路。農工商學,等你肉貴身高。又到相親擇配,去尋賢婦。得你夫妻完娶囉,佢兩老正得安樂嘅辭勞。不料娶完之後,又到你公婆好 。又話個啲老野不合潮流,我地自己寶。唯有逆母從妻咁就分火灶。重話分明拆屋,避個隻無爪蠄蟧。父母有病在身,佢猶少顧。外面憂愁,佢內堶溺 。勉强延醫,循下世道,煎藥都也無將火顧,任從個
啲老鼠走入去風爐。好嘞,一旦雙親死後,佢就好似身罹苦,靈前痛哭把塵鋪。唉,個啲
酒席焉能入得鬼個肚,你地在生唔敬囉,死後都何勞。

我奉勸世人就要循下考道,晨昏定省係做仔女嘅功夫,我呢番警世嘅良言,對各位嚟奉告。希望個啲為人不肖,就要前非痛改嘞,報答下父母嘅功勞 。

名曲藝家  李銳祖  
演唱考順歌中(澳門)


粵謳   唔見你咁耐    清末《 粵東小說林》丙午年第 八期

唔見你咁耐,點估你重噲開嚟。久別相逢實覺慘悽。人哋話郎你收山,呢陣唔落花粉地。我想狂蜂浪蝶,定必噲被野花迷。往日山公壓力想必難噤抵。故此三年咁耐,總不見你鬧吓官威。雖則係郎你唔嚟,我亦無乜挂繫。獨惜護花無主,慘過賤作沙坭。捨得郎你早日開來,為我護衛。任佢保良司理喇,我亦鬧句哥輝。(哥輝二字西語趕人之謂)今日火燭幾咁交關,老舉亦唔係過製。唉!真閉翳。花捐難抵制。我只望帶妹埋街,共你白髮齊。


民初書商廣告
 


 

粵謳   留你不住    清末《 粵東小說林》丙午年第 八期

留你不住,問極你總唔聲。做乜生我咁多愁,生你又咁薄情。我想人世但得一面相逢,都係前世注定。况且我癡心如醉,想必證在三生。點估你情字睇得咁輕,好似閒到冇影。任得我魂迷心亂,總不鑒我真誠。情癡重怕染了相思症。虧我難除癡念,就係妙藥都噲唔靈。個陣含羞相對,你叫我點把絲蘿訂。真正有口難言苦不勝。我勸你順吓人情。又憐吓妹薄命。休攞景。但得同交頸。個陣枕邊同你講幾句咯,便覺好夢能成。


清末 1907年  香港屈臣氏大藥房廣告
 


 

本站旨在弘揚和傳承源遠流長之中國文化,網頁內容或有轉鈔各名家著論。如有謬誤及冒犯著作權益,請即指正 ,自當修改刪除。