愛書堂

莫嫌舊學偏新學

心遠廬

不薄今人愛古人

主頁

 

民初粵謳  南音  龍舟

頁:   1..   2..   3..   4..   5..  6..  7..  8..  9.. 10..  11..  12..  13..  14..  15..  16..  17..  18..  19..  20..  21..  22..  23..  24..

    廖恩燾粵謳解心   粵韻絃歌   藝海光華   星影浮沉   好歌百回聽     歌影東瀛     歌壇憶舊   經典名曲120   經典歐美流行曲    經典歐美電影 一覧


民初粵謳,南音,龍舟      粵韻絃歌

龍舟歌   秀英問米

張生者,情種也。昔與大沙頭某舫校書有嚙臂盟。張生因事往南洋,今歲春仲旋粵,重尋舊約。滿擬為校書脫籍。席終,偕返香巢,羅帳低垂,卿卿我我。夜深忽聞校書叫喊,始知張生暴疾 。鴇母羣集,多方灌救,無術返魂。校書散髮燒錢,哀毁備至。校書之不負多情,張生亦當含笑地下。因戲成謳歌,以紀其事。閱者當作幻想觀,勿以辭害意 ,至長神權之漸可。

偷自怨,苦難言。一聲長嘆對住蒼天。天呀!做乜你偏生奴命賤。青樓淪落有許多年。幸得張郎為我行方便。擲錦纏頭百復千。佢重話帶妹上街償夙願。免至樊籠深鎖,度夜如年。記得佢自南洋回粵便 。行装甫卸,席設澄鮮。個陣舊約重提情倍眷。纏綿相愛復相憐。點估佢大夢沈沈,容貌漸變。登時氣絕,命喪歸天。多方灌救,想佢還陽轉。詎料返魂無術枉徒然。虧我兩淚交流心自戰 。情哥叫句,跪在床邊。散髮燒錢來祭奠。等哥你得嚟買路,早到黃泉。O見你兄弟親臨,我腸欲斷。咁就帶哥你遺骸歸去,葬山巔。虧我思前想後愁難遣。更籌數盡不成眠 。有日哭到頭暈兼目眩。昏迷一陣,仆倒艙前。

驚動養母,喊救聲嘶。你妹靈魂蘇醒,半展愁眉。養母連忙將妹抱起,低聲來勸,勿過悲悽。佢話好極情郎歸了世,就令哭到肝腸寸斷,亦都救佢唔嚟。女呀!你一片苦衷 ,我亦為你閉翳。總係定必有個知心人客,帶你去住香閨。今日淚已哭乾,亦無乜所謂。削性另尋別客,好把女你提携。呢陣佢死落陰司亦唔叫得佢轉世。只見佢長埋荒塚草萋萋 。不若共你去穩勝姨,同往問米。等你與郎講句,免至日夜悲啼。

嬌聽罷,淚纔收。母女相携,過了小舟。行行不覺已到東濠口。又見勝姨含笑,倚住危樓。佢重立刻歡迎忙問候。清晨枉駕,有乜特別因由。甥女做乜你脂粉唔搽,容貌又咁瘦 。好似滿懷心事不勝憂。養母話佢死了情郎時未久。今日欲訪覡婆問米,慰吓心頭。勝姨勸句不若把精神抖。從此陰陽相隔兩相休。等我請出個覡婆,同你講透。便把情郎姓字 ,對佢說根由。你話佢係姓張行第九。名為杜撰,籍貫岡州。個陣又到覡婆忙唸咒。合埋雙眼,伏在檯頭。論起問米情形原屬怪謬。獨惜婦女無知實在可嬲。見佢自語自言唔歇口。重話陰間尋路 ,已向地府嚟遊。

忙趲步,直到陰司。幾番尋訪,未見箇個薄命男兒。唔估佢在望鄉台上企,好似死心難息意如癡。我就把佢亡魂帶上陽間去,等佢知心重會,講吓言詞。佢就一見秀英忙下淚 ,喉嚨咽哽,幾咁傷悲。虧我命薄如絲虛負你,講到因緣二字,只有再世相期。見你愁却玉容 ,我心自翳。總係今生難望伴香肌。嬌呀!你久在青樓非善計,至緊多情揀個,早日苦海拋離。往日個種情根如水逝,須緊記,相逢惟夢寐。莫個為郎憔悴,日日鎖住雙眉。

嬌乍聽,兩淚汪汪。低聲叫句,我地張氏嘅情郎。記得當日識哥,同在畫舫。君前前曾為舉霞觴。虧我弱質幸蒙哥贊賞。聲聲猶話要列在偏房。重估天長地久同歡暢。紅羅帳堙A永結鴛鴦。點想久別相逢,哥就命喪。大抵奴奴福薄,故此剋死你先亡。今日自怨自嗟無乜好望,琵琶重(平聲)抱倍悲傷。不若把三尺紅羅,完了今世孽賬。等我魂歸陰府,服事你行藏。

又到張郎苦,叫一聲嬌。嬌呀!你在珠江飄泊,亦屬逍遙。我共你夙世注定因緣今亦了。莫個多情誤用枉心焦。你若短見自尋誰奠弔。孤魂無主,怕重要墮落奈何橋。我見情義似嬌人極少,况且秋波流盼更魂銷。你便揀個真情兼濶少。(仄聲)共你贖身回去,免困娼寮。今日講盡咁多徒自擾,我亦要陰司回轉步忙了。(借用平聲)個陣妹就淚落如珠聲百叫,唏噓長嘆,氣到首難翹。

又到勝姨話,叫一句姨甥。張郎說話你已盡聽聞。句句都係勸甥宜守份。重話莫因郎死,自盡輕身。恐怕孽債未完,來世受困。煙花重(平聲)落墮紅塵。何况你個養母待甥唔算忍,都要念要念吓劬勞撫養報親恩。你咁捨不個箇張郎情開可憫。不若延僧禮佛,超度佢嘅亡魂。今日甥女大氣抖完唔好再呻。(仄聲)煩過呢陣,望甥行好運。但祝你玉容有主,早日另事情人。


本站旨在弘揚和傳承源遠流長之中國文化,網頁內容或有轉鈔各名家著論。如有謬誤及冒犯著作權益,請即指正 ,自當修改刪除。