愛書堂

莫嫌舊學偏新學

心遠廬

不薄今人愛古人

主頁

 

民初粵謳  南音  龍舟

頁:   1..   2..   3..   4..   5..  6..  7..  8..  9.. 10..  11..  12..  13..  14..  15..  16..  17..  18..  19..  20..  21..  22..  23..  24..

    廖恩燾粵謳解心   粵韻絃歌   藝海光華   星影浮沉   好歌百回聽     歌影東瀛     歌壇憶舊   經典名曲120   經典歐美流行曲    經典歐美電影 一覧


民初粵謳,南音,龍舟      粵韻絃歌

南音   一段幽情   靳夢萍   近代曲藝編劇名家    (李少芳所唱之一段幽情為梆簧粵曲,據此內容改作)

娟娟明月,淡淡清霜。羅襟不耐晚秋涼。客館蕭疏情懣悵。殘荷猶自蓋鴛鴦。六曲闌杆花掩映。迷離夜色染粉牆。離緒難禁凝幻想。隔簾風送桂枝香 。景物無殊家鄉樣,卻憐地異意茫茫。
無可奈,赴長安。椿萱催我逐名場。難割情絲千萬丈。宛若沉檀隔載尚餘香。螓首娥眉留影像。春蠶縛繭恨綿長。憶昔初逢芳徑上。羞顏避影怕成雙。再度相逢楊柳岸。敦邀拜上玉華堂 。慈和白髮蒙稱賞。紅顏避席背倚西窗。幾回窺我隔住青紗帳。流波送笑意偏長。從此兩情如蜜釀。形同鶼掉v兒雙。携手白雲同晚望。曉寺疏鐘聽海幢。荔枝灣頭齊弄槳 。暗香盈袖透芬芳。倦戲水湄羞倚傍。你重話願借春陰護海棠。
遙梫x,浴蘭湯。憐香鳳子戀花房。纔是玉樓初度上。檀腮桃口送幽香。把酒敲詩相和唱。我漫道詞客從今戀五羊。詞中有誓心無兩,高吟興烈痛飲瓊漿。酒熱情濃才更浪。閨情譜入賀新涼 。你話我詞華不止謳歌量。浪費才情賦詩章。轉軸撥絃琴輕按。絲桐細奏個闋鳳求凰。玉樓人醉心潮漾。含情留我駐東廂。從茲不作榮華想。閨中長願伴梅孃。曾幾何時驪歌唱。臨歧惜別兩心傷 。低頭不忍愁相向。離情滋味苦初嘗。
驚客夢,聽寒螿。情懷寂寂夜偏長。銀蟾吐彩天邊亮。依然夜夜照珠江。何日得償還鄉望。負你夢中長夜喚檀郎。緣份翻成想思賬。衣襟猶帶女兒香。但願玉人長無恙。心惘惘。情絃悲絕響。悄無人處便思量。

一九四三年秋月   撰於韶關客次    


相思索   招子庸輯

相思索,綁住兩頭心。溫柔鄉裡果住情人。君呀,柳或你唔肯放鬆定是奴綁得你緊?迷頭迷惱好似昏君。縱有妙手話解得呢箇結開亦無路可問,就俾你利刀亦難割得呢段情根。你有本事削性丟開唔掛恨,點想日來丟淡夢裡又要追尋。天呀,你既係生人做乜把情字做引?但係情長情短未必冇的來因。總係唔錯用箇點真情就唔使受困,縱使一時果住到底有日開心。真正最會收人都係瘟緊箇陣。唉!都係敢混。唔怕精乖唔怕氣渾屯,總係情關難破就係死亦要追尋。

唔好發夢   招子庸輯

勸你唔好發夢,恐怕夢裡相逢。夢後醒來事事都化空,分離兩箇字豈有心唔痛。君呀你在天涯流落你妹在水面飄逢。懷人偷抱琵琶弄,多少凄凉盡在指中。捨得你唔係敢樣子死心,君呀你又唔累得我咁重。睇我瘦成敢樣子重講乜花容。今日恩情好極都係唔中用。唉!愁萬種。累得我相思無主血淚啼紅。

長發夢   招子庸輯

點得長日發夢,等我日夜共你相逢。萬里程途都係一夢通。箇的無情雲雨把情根種,種落呢段情根莫俾佢打鬆。雖則夢裡巫山空把你送,就係夢中同你講幾句亦可以解得吓愁容。君呀,你發夢便約定共我一齊方正有用,切莫我要夢裡去尋君你又不在夢中。君呀,你早食早眠把身體保重,心想痛,你歸心何日動,免至我醒來離別獨對住燈紅。

燈蛾   招子庸輯

莫話唔怕火,試睇吓箇隻烘火燈蛾。飛來飛去總要摸落箇盞深窩。深淺本係唔知故此成夜去摸,迷頭迷惱好似著了風魔。佢點曉得方寸好似萬丈深潭任你飛,亦不過逐浪隨波唔知喪盡幾多。待等熱到癡身情亦知到係錯,總係愛飛唔得起問你叫乜誰拖。雖則係死咯任你死盡萬千佢重唔肯結果,心頭咁猛依舊向住箇的猛將張羅。點得你學蝴蜨夢醒箇陣花亦悟破。唉!飛去任我。就俾你花花世界都奈我唔何。

唔係乜靚   招子庸作品

你唔係乜靚啫,做乜一見我就心傷。想必你未出世就整定銷魂今世惹我斷腸。你係前世種落呢根苗,今世正有花粉孽賬。故此我拚死去尋花,正碰着你呢朶異香。紅粉見盡萬千,唔似得你咁樣。相逢過一面,番去至少有十日思量。捨得死咯敢話死去會番生,我又同你死賬。難為我真正死咯,嗰陣你話冇乜相干,呢會俾個天上跌個落嚟,我亦唔敢去亂想。真真要見諒,莫話粒聲唔出就掉轉心腸。

乜得咁廋   招子庸作品

乜得你咁瘦,實在可人憐。想必你為着多情惹恨牽。見你弱不勝衣,容貌漸變。勸你把風流兩個字睇破嚇,切勿咁綣纏。相思最會把精神損。你睇癡蝶在花房,夢得咁倒顛。就係恩愛到十分亦唔好咁綣戀。須要打算,莫話只顧風流唔怕命短,問你一身能結得幾 多個人緣。


南音    男燒衣

聞得妹你話死咯,我實在見悲傷妹呀你為因何事攪到自縊懸樑,人話死咯尚屬思疑,我唔信佢講,今日你果然係死左咯,叫我怎不悲傷 ,唉,妹呀唔望與嬌彈共唱,唔望燈前月下共你結呢段鸞鳳呢回任得天上跌一個落 嚟,唔慌我重想,唉,愁有萬丈,不若把隻小舟將水陸放,等你早登仙界直向慈航

忙解纜,出到江濱,祇見江楓漁火照住我愁人各物擺齊兼共果品,我願妹前來鑒領我誠心燒頁紙錢珠淚惡忍,三杯薄酒奠妹孤魂燒到童男童女等妹相親近,吩咐眾人使喚要聽佢時文大串 (讀能去聲) 鎖匙交過你收緊,你切莫頑皮激著主人燒到胭脂和水粉,刨花兼軟抆, 匳妝一個照妹孤魂

燒到芽蘭帶,與共繡花鞋可恨當初唔好早日帶妹埋街免使你在青樓多苦捱,咁好沉香當作爛柴呢條芽蘭帶乃係小生親手買,可惜花鞋繡得咁佳記得八月中秋同把月拜,重話二人衾枕永結和諧點想別離你心事古怪,誰知錯意把妹命來晒唉越思越想心痛壞,珠淚流唔晒,妹呀你便夢中魂魄共我講幾句情懷

燒到被鋪蚊帳係出在杭州重有香珠一串搭在妹襟頭燒到煙托與及雷州斗,又來燒到個煙屎 鈎局砂一盞光明透,但凡燈暗妹呀你自己添油呢盒公煙原本係舊,馨香翳膩都解得 吓煩憂你無事拈來燂佢幾口,不防陰府你自己網繆咁多物件燒來交過你手,至緊關防門戶咯莫俾人 偷妹盼你生前所用般般都有,今日把火焚燒在水面浮

我再酌酒,奠妹妝台願妹呀你前來鑑領我一杯等你飲過此杯呢離了苦海,早登仙界直上蓬萊又到艇嫂上前同佢抹淚,叫聲大相你切莫悲哀捨得多情愁無多情配,奴奴情願共你為媒你既有真心寧守耐,等我找尋一個重靚過花魁人話男人心腸多變改,但我見君情義真正少人陪臘燭替君流血淚,半天仙鶴渡郎追你不如忍淚就埋街去,免令今夜你自己痴呆

我忙轉艇,就快如雲, 雙槳齊撓水面奔海闊風狂你須要坐穩,等我行埋共你講幾句時聞我地隔鄰有個叫做馮人引,真正好品,腳又細時滿手 黹針年方二八知書禮,詩詞歌賦樣樣皆能舊時有位少爺話同佢上岸,但要揀個多情人仔至兩相登我問聲大相可否心情允,真正妙甚,真妙甚,等我把鵲橋高駕起等你直上到浮雲。


本站旨在弘揚和傳承源遠流長之中國文化,網頁內容或有轉鈔各名家著論。如有謬誤及冒犯著作權益,請即指正 ,自當修改刪除。