愛書堂 |
莫嫌舊學偏新學 |
心遠廬 |
不薄今人愛古人 |
民初粵謳 南音 龍舟 |
頁: 1.. 2.. 3.. 4.. 5.. 6.. 7.. 8.. 9.. 10.. 11.. 12.. 13.. 14.. 15.. 16.. 17.. 18.. 19.. 20.. 21.. 22.. 23.. 24.. 25.. 26.. 27.. 28.. 29.. 30.. 31.. 32.. 33.. 廖恩燾粵謳解心 粵韻絃歌 藝海光華 星影浮沉 好歌百回聽 歌影東瀛 歌壇憶舊 經典名曲120 經典歐美流行曲 經典歐美電影 一覧 |
民初粵謳,南音,龍舟 粵韻絃歌 謳 弔洪兆麟 仿(弔秋喜) 聞得你已死,你慌重駛思疑。你何苦偷生得癡。若為共和死心,我都可惜吓你。總係你死心陳逆,重駛乜傷悲。平日你對住個班嘍囉,應當囑落兩句。兔至一朝慘死,冇一句言詞。往日個種英雄丟了落水。縱使民脂刮盡,帶不到陰司。可惜你踏差了對腳,誤左你一世。陳君內部,冇日開眉。你名叫做兆麟,咕話麟為祥瑞定有好意。點知好似魯麟一獲,便被相欺。今日老巢已破,唔慌重爭得啖氣。好似孤魂無主,葬在砂泥。此後你陰靈不息,書頻寄。若有乜軍情秘密,報過老總知。泉路陰森,你又咁胆細。地盤已失,問你向邊處棲。兒女全無,唔知憑誰祭。萬年墳上,空聽虎嘯猿啼。未必有個手足師徒,來同你掛紙。祇有烱明痛哭,老淚橫飛。罷咯。好得你係和尚,快的送你入寺。等你驚魂未定,仗吓老佛扶持。你並哀懇佛爺,出吓機器。特准你個和尚,可以娶妻。若係罪惡貫盈,將你罰酆都地。你要精神打醒早早知機。個陣一班嘍囉,同你有相會日子。須緊記。有乜情和義。若講到恩仇兩字,你真係死得太遲。 這是嘲駡辛亥革命以後,那些大大小小南北割據,弄致國家四分五裂的軍閥及其幫兇。陳逆,指當年盤據在廣東的陳烱明。 粵謳 女英雄 題起去北伐,男女亦同心。邊個話英雄本事,不出在女兒中。我想巾幗與鬚眉,同一樣作用。是真兒女,自是大英雄。自古從軍女子,倍較人威勇。君不見木蘭當日,大奏膚功。想到國亡家破,有乜話心唔痛。個的長情兒女,落盡幾許淚珠紅。講到掃穴犂庭,就覺心血熱湧。唔好怕凍。單係我地的女兒熱血,便可把冰雪消融。 這首是辛亥革命前後鼓動當時婦女參加革命鬥爭行列的篇章。 聽春鶯 《粵謳》 斷腸人怕聽春鶯,鶯語撩人更易斷魂。春光一到已自撩人恨,島呀係重有意和春共碎我心。人地話鳥語可以忘憂我正聽佢一陣,你估人難如鳥定鳥不如人。見佢恃在能言就言到妙品,但逢好境就語向春陰。點得鳥呀你替我講句真言言過個薄倖,又怕你言唔關切佢又當作唔聞。又點得我魂夢化作鳥飛同你去揾,揾着薄情詳講重要佢回音。唉,真欲緊,做夢還依枕,但得我夢中唔叫醒我我就附着你同行。 桄榔樹 《粵謳》 桄榔樹,我知道你係單心。你生來箇種心事我一見就消魂。你在瘦地長成又乜倚凭,是真情種有咁樣情根。我想人世有敢樣情根你真正惡揾,樹猶如此我怨只怨句情人。我近日見郎心帶不穩,一條心事要共幾箇人分。捨得佢學你咁樣子單心我就長日冇恨。唉,真真正正不忿,要把花神問,樹呀,你唔肯保佑我郎學你敢樣心事我就話你係邪神。
|
本站旨在弘揚和傳承源遠流長之中國文化,網頁內容或有轉鈔各名家著論。如有謬誤及冒犯著作權益,請即指正 ,自當修改刪除。