愛書堂

莫嫌舊學偏新學

心遠廬

不薄今人愛古人

主頁

 

民初粵謳  南音  龍舟

頁:   1..   2..   3..   4..   5..  6..  7..  8..  9.. 10..  11..  12..  13..  14..  15..  16..  17..  18..  19..  20..  21..  22..  23..  24..

    廖恩燾粵謳解心   粵韻絃歌   藝海光華   星影浮沉   好歌百回聽     歌影東瀛     歌壇憶舊   經典名曲120   經典歐美流行曲    經典歐美電影 一覧


民初粵謳,南音,龍舟      粵韻絃歌         

《別意》  收於招子庸《粵謳》

想必緣分已盡,花債都還齊。債還緣盡,故此惹出別慘離悽。唉,我兩個係咁情痴,點估話情不到底,想起從前箇種風月哩,好似夢斷魂迷。記得起首共你相交,你妹年紀尚細,箇陣傾談心事,怕聽海上鳴雞。只望相與日子咁長,你亦會同妹設計。點想你夫妻情重,不肯帶賤妾回歸,累得我斷梗又好似飄蓬,無所倚繫。想到話飄流無定咯,只著要搵的挨依。今日人地話我薄情,唔係都似係。再不估同群咁多姊妹,無個知我心上咁難為。我近日面上桃花,只係憑眼淚洗。唉,君呀,你唔好為我屓屭,知道拗硬箇副心腸唔多願,所以你自從聽見話我要去咯,此後你總不開嚟。

南音   女英豪(續上期)

女豪被虜

漫說女豪情敗露,且言兵勇胆齊驚。見佢分明一個奇男子,形容慷慨氣如生。手握短槍誅大敵,好似怨仇相報恨難平。點知原是多嬌女,年剛二八貌寧馨。心懷公憤故把男裝易 ,車站相逢莫識佢姓名。袖中利器鋒鋩露,亳無怯膽及張聲。只見英姿颯爽來酣戰,後因帽落始露出真形。立刻將他來解扭,一齊護勇動刀兵。斯時女士也覺無言語,好似阱中猛虎任欺凌 。一直帶渠拿鎖去,安排魚肉釜中烹。任你神仙難解脫,祗圖一死免苛刑。何况時屆三冬天氣肅,萬物凋殘地結冰。風如刀剪難禁抵,寒威刺骨怎不血淚飄零。縱是昂藏七尺也要驚寒甚 ,何况孤弱無依苦不勝。更重有虎役狼差施毒手,把衫剝脫不容情。可憐玉質深閨女,瘦骨難支愧憤。此地居然生地獄 ,問有誰人訴不平。

拘拿受辱

女士自從拘獲後,舉動言詞不自由。講到苦情難盡述,且說兵員把佢羞。世間多少强橫輩,總不及强俄士卒咁苛求。身擁重裘唔知到佢苦,時加笑罵語啾啾 。當此嚴寒難忍耐,更加裸體命彌留。冷得皮膚皆變紫,淒涼到極淚難收。登時迫到佢真堪死,最是傷心此罪囚。重有一個野蠻俄將士,見渠辱把身抽 。立即捲烟拿在手,烙到佢胸前血肉浮。號哭聲聲聞戶外,旁人聽見也擔憂。最甚一焦來爇口舌,登時塞啞佢嚨喉。到後有兇惡官兵來押解,檻車縛載直到荒陬。片布不纏由得你叫屈 ,寒風陣陣利過刀矛。你睇歌薩克兵狼似虎,誓不傷人死不休。此時冷到已是心如死,估話陰司一去免担愁。點想靈魂凝不散,險死還生未得命休。諒佢一副奇姿俠骨天生定 ,不似尋常女子個種溫柔。

開會歡迎

人生最甚淒涼境,係萬里程途去戍邊。你睇當時箇個嬌嬈女,遠流荒地不許遲延。此地原名西比利亞,蒼涼一片少人烟。任你生成姓(性)崛强(仄),也要甘心遠謫苦無言 。一自案情初出現,好似風潮洶湧動地驚天。貞女大名聞遠邇,有誰不把佢哀憐。人心到底懷公憤,殲除民賊係賴佢俠心堅。何况一個青年纖弱質,犧牲性命也心甜。有咁英雄誰不景仰 ,爭共歡迎識面先。士商各人同拜謁,揮巾揭帽尊敬佢英年。不料官場多妒忌,不許喧揚起禍端。意欲沿途將佢拒絕,派兵彈壓逞强權。是日囚車恰到伊爾克,躋踴旁人不祇萬千 。可恨官兵無道理,激成眾怒甚過火燎原。個個欲把官兵來毆打,羣情鼓動勢滔天。幸得官兵知畏避,人心俯順始安然。但見歡呼喝釆聲雷動,花圈呈上色光鮮(平)。氣得各位官員如木偶 ,斯時禁口若寒蟬。又見黃白成堆阿堵物,爭相投擲女身邊。女士撫心聊一笑,見人愛敬也亦喜溢心田。

入獄監禁

此地有名磁克獄,罪囚到此盡困牢中。兇狼獄吏如魔鬼,非錢運動不相容。況且苛待黨人尤最甚,慘無人理太冇陰功。此間多少寃男女,游魂滯魄恨無窮。又說當時豪俠女 ,囚車一路不停踪。無可奈何來入獄,孤身隻影鎖樊籠。呼天也自傷無路,只聞苦雨與及悲風。又聞得神號(平)兼共鬼哭,常教珠淚血飄紅。點得此身雙插翼,鴻飛冥冥出天空 。有陣想到公仇經報了,亦無悔恨笑融融。即今事已年多載,俠女仍留在獄中。前途歷盡千般苦,後來一死亦算英雄。比較我中華二萬萬同胞女 ,低首應甘拜下風。女無才方是德,細思此語實愚蒙。但願結合釵裙同立志,革命功成震亞東。莫云男女唔平等,只要各肩責任表情同。今我此言非蛈k,不過把呢一個女英豪作警鐘。人才豈讓奇男子,好借(為)人鏡(已)發憤為雄。

粵謳   土地

二月初二,聞得係你生期。是否係你生期,試講白我知。如果唔係生期,又唔係死忌。做乜有咁多三牲酒醴,被你食晒便宜。可笑木雕泥塑,隻手又擔唔起。眼白白得看唔得食,引到口水紛飛。見你一自自默默無言,好似唔係乜得意,縱有人多賀蛂A亦鎖住雙眉。手揸住一臼黃金,點係算窮得到極地。可惜總唔放手,在處捱飢。重怕有的把炮嚟燒,話同你賀喜。唉,真累事,嚇聾雙老耳。個陣求財求子,亦聽不準佢半句言詞。

海水反江  (板眼)

唔係亞)個處好多人挖蚌。(因係個處)大条老藕 ,種在蓮塘。(唉,真係大懵咯)我記錯泮塘,個哋景像,以為對面就係疍家鄉。誰知潮氣隨流漲。年年西水,浸到門牆。(呢條係西江呀,乜咁大懵唎)總之閒話 ,都無容講。睇見人如蟻隊,越發心慌。(唔係講大話嘅播,唎嗱)人人裝唔同樣。(怕個哋唔係人嚟卦,話佢唔係人呀)點解佢裝成 ,又半似學堂。兩撇紅鬚蝦咁鋼。碌開雙眼,想揾人劏。瘟咁舂時,又瘟咁撞。兩頭遊玩,絕不提防。(聽吓聽吓)救命呀 ,救命呀,乜野事幹,整得咁囂張。登時水面,一派光長。(病得佢呀)五顏六色週圍映,琉璃個個,跌晒落水中央。(呀,睇真唔係琉璃添播)係油船一隻,遭淪喪。撞沈撞爛,泛在汪洋 。(陰功咯)睇住個梢工,唔得上岸。幾聲呼救,都冇人帮。(唔怕,好彩好彩)有隻巡船頻掉槳。(去亞去亞)掉行幾槳,近到船旁。扯起龍旗,聲勢壯。孭埋短火 ,與及長鎗。趕住逆流,扒硬上。快過龍舟競渡,五月端陽。點知扒到中流,遇着隻大手掌。(指住佢機咕撈)喺處發言章。可惜幾個水巡,又唔會講 。登時嚇到,佢面轉青黃。立刻轉頭唔敢抗。有個縮埋頭腦,重梟阻入去船艙。(有個重得意)佢身上白銀,有三幾兩。所因先日,就正發左糧。佢慌到人地走過巡船嚟到搶 。荷包掩住,鬼咁饑荒。做到巡兵,無哋胆量。枉費佢自殘同種,講得咁豪强。正話睇完呢一樣,聲聲又報耳邊廂。(噎,弊咯譁(去聲)大姨媽 ,唔得亞)嚨喉擘大將聲放。和合船中,又去亂塲。當初重估話巡警嚟踢當。為因佢嚟到,亂諦京腔。認真個樣非同黨。大開拳腳,鬼咁猖狂 。白鴿籠中,無處可擋。可憐亞紥哭聲汪。走又不能,行又不上。好似跪廳咁跪,一路跪翻入去香房。佢重死口頂來,唔自諒。(女喉)(佢話衰咯你,我駛入埋去砲臺 ,話俾何大人知)捉估何大人好馨香。唔知船主拘囚,就唔在講。重兼拘埋船勇,當你係獺王。(你唔記得啫)登岸携鎗非止一擋。幾番攪擾,攪到錢莊 。多少苦情難盡唱。(俗語話事偈)打得更多夜又長。想起翻嚟,邊一個咁鹵莽。(唔怪得人地嘅播)世途荊棘太過災殃。(自古都話唎)玉龜毁櫝誰司掌 。悔盜當知,自已慢藏。板眼唱來唔係了亮。大都游戲,賣吓文章。我唔係睇輕已國權他讓。試問一羣老懵,有乜法子商量。(睇吓近日官呀)事事行為 ,都係空想像,差强人心,好彩重有翻個老張。(講到外部呀)就越發心神愴。至唔中用,就係個某侍郎。陷并令想將我地人民,嚟監生葬。唉!真霎戇 ,總安民心壯。若果同人協力,唔怕挽不轉個既倒嘅瀾狂 。(好唎就敢話唎)


本站旨在弘揚和傳承源遠流長之中國文化,網頁內容或有轉鈔各名家著論。如有謬誤及冒犯著作權益,請即指正 ,自當修改刪除。