愛書堂

莫嫌舊學偏新學

心遠廬

不薄今人愛古人

主頁

 

民初粵謳  南音  龍舟

頁:  1..   2..   3..   4..   5..  6..  7..  8..  9.. 10..  11..  12..  13..  14..  15..  16..  17..  18..  19..  20..  21..  22..  23..  24..  25..  26..  27..  28..  29..  30..  31..  32..  33..

    廖恩燾粵謳解心   粵韻絃歌   藝海光華   星影浮沉   好歌百回聽     歌影東瀛     歌壇憶舊   經典名曲120   經典歐美流行曲    經典歐美電影 一覧


民初粵謳,南音,龍舟      粵韻絃歌           

龍舟歌   嫖鏡

閒無事,思悠悠。不若把個宗嫖害,唱句龍舟。醒世良言,唔怕舊。自古禍人大半,係青樓。諸君聽過,(仄)咪笑我言詞陋。不過望我地同胞,免至後憂 。等我逐漸唱來,先與後。有層有次,細數(上聲)因由。有的闊佬居然,誇富厚。貪圖快活,把香偷。况且生來兼有,潘安貌,少年倜儻,曠世無儔。萬頃良田,世間罕有 。人人驚訝,話佢幾世能修。見佢週日尋花,兼問柳。舊時穀埠,今日又到大沙頭。美人豔福,都消受。臨老重入花叢,不肯罷休。點想樂極悲來,難以啓口。中藏陷阱 ,係鄉裡温柔。等到後來個陣,難回首。悔恨難翻,(平)係咁可羞。祇自怨吓當初,情性太吽。唉,真弊竇。如今心醒(仄)否。畢竟空空色色啫,着乜來由。

嫖一件事,確係衰君。幾多唔學,學沙塵。自小行為,唔識謹慎。每逢妓女,就把佢來瘟。好似遇着邪魔,真混沌。父兄誥誡,總唔聞 。最怕情入深時,瘟緊個陣。身家唔顧,係兩家親。白水多多,唔要緊。總要時時善媚,就癡魂。有的狐羣狗黨,時親近,當佢猶如,座上賓。重有個的波羅鷄,更唔駛問 。晚來請飲,就笑頻頻。個陣的老契多情,真可憫。話恩須憐舊,勿貪新。坐在身傍,唔肯離去一陣。目聽(平)眉語,額外殷勤。我想妓女落到青樓,唔係乜立品。內便志在金錢,外便又話認真 。手段陰柔,心太忍。裝出無限深情,祇騙人。可恨有的敗家精,真正笨。一味貪圖消受,美人恩。遇着單料銅煲,還重肉緊。又瘟又熱,慾火如焚。就使揮霍到萬金 ,心亦不恨。任得後來禍患,點樣子纏身。重慌人地笑佢無情,太過薄倖。唉,真可哂。明明揾老趁。我勸你一般嫖客,要打吓精神。

第一累,產業全消。變成貧苦,係為(仄)貧戀女嬌嬈。春花秋月,何時了。享盡風流,噲把禍招。個的自稱瘟佬,唔會曉。後陣散盡黃金,就知到寂寥 。我想自古英雄,原不少。一入美人關內,也魂銷。任你石崇咁富,都唔了。蕩產傾家,只為(仄)嫖。個陣老契相逢,惟有一笑。甚至反面無情,鬧一句超。重有邊個知心,嚟照料 。炎涼世態,係咁無聊。家有餘錢,重無乜緊要。最怕散到家無擔石,問你怎不心焦。等到甘盡苦來,真正不妙。唉,心要自照。切莫為因嫖字,積下的禍根苗。

第二累,疾病牽纏。含辛茹苦,氣息奄奄。無名腫毒,身全染。日夜呻吟,總不自然。疳疔痔漏,隨時現。重有的白濁沙淋,惡抵到顛。獅子鎖門 ,真正係險。風名三角,滿身黏。又慌見笑傍人,唔敢俾見。有陣辛苦到難捱,只可暗自叫冤。最是難堪,逢着小便。好似食薑咁口,苦難言。自想唔係時乖,兼命蹇 。為何整到,咁心酸。總係自己初時,身作賤。日向殘花敗柳,任意流連。雖則及時行樂諧心願,獨惜累盡青年,不啻萬千。個陣纏頭浪擲,心唔轉。只計風流,不計錢。百病叢生,真惡算 。枉說從前得意,樂境無邊。今日我再把歌詞,來戒勉。唉,聽吓勸。嫖舍誤人,真不淺。回頭是岸唎,切勿遲延。


畢加索   Pablo Ruiz Picasso   1881-1973   Spain
梵高   Vincent Willem van Gogh   1853-1890   Holland
   
莫奈   Claude Monet   1840-1926   France
塞尚   Paul Cézanne   1839—1906   France
高更   Eugène Henri Paul Gauguin   1848-1903   France
蒙克   Edvard Munch   1863-1944    Norway
德加   Edgar Hilaire Germain de Gas   1834-1917   France
達文西   Leonardo da Vinci   1452-1519   Italy
米開朗基羅    Michelangelo   1475-1564   Italy

本站旨在弘揚和傳承源遠流長之中國文化,網頁內容或有轉鈔各名家著論。如有謬誤及冒犯著作權益,請即指正 ,自當修改刪除。