愛書堂

莫嫌舊學偏新學

心遠廬

不薄今人愛古人

主頁

 

民初粵謳  南音  龍舟

頁:  1..   2..   3..   4..   5..  6..  7..  8..  9.. 10..  11..  12..  13..  14..  15..  16..  17..  18..  19..  20..  21..  22..  23..  24..  25..  26..  27..  28..  29..  30..  31..  32..  33..

    廖恩燾粵謳解心   粵韻絃歌   藝海光華   星影浮沉   好歌百回聽     歌影東瀛     歌壇憶舊   經典名曲120   經典歐美流行曲    經典歐美電影 一覧


民初粵謳,南音,龍舟      粵韻絃歌      

木魚   自由女遊花地

(女喉)(海哥海哥,去邊處亞,)(呀,你鼻)唔見咁耐,好喇阿蘇。我而家走去,買風爐。因為警局媕Y,整爛個灶。故此人人今日,都要屈沙煲。你嚟呢處,因何故 。(而伊)扮成咁靚,重妖過一隻下山孤。(你睇吓)線仔絨衫,羽絨褲。原身鑲綑,鬼咁風騷。(上海裝嘅添播)點解自己獨行,唔見你老母。亞蘇個吓,就笑口嗷嗷 。眼角丟來,真正好。佢重話你向來都唔識,我亞蘇姑。(女喉)我而家想去,十六甫,勢唔估到,遇着你喺中途。我有好多事情,鬱晒落肚。(一句唔講得盡嘅咯 ,不如同埋行,大家商量吓)呢件重為高。梁海此時,唔知乜野路數。即刻應承,不慢半毫。兩家拍住,行過幾步。忽然遇着,一個逐臭之夫。佢吊住尾嚟,真係冇譜 。睇見佢喬埋雙手,十足個隻冇爪禽勞。佢重話亞蘇喺大沙頭,嚟做艇頭嫂。(一日都話,喂,個人亞,唔識我囉咩)而今點解見左,就要鷄酥 。個時佢兩個行來,好似風都碰倒。連忙發脚,就登途。點知剛剛,行到半路。(逼卜聲)俾條石罅,慣到佢倒地葫蘆。(噎吔,陰功咯)撬斷把遮柄 ,你話點算好。你睇截得一身泥圾,鬼咁烏糟。

個陣時辰,恰可十二點鐘度。大多時候,不必勞嘈。一直行去沙基,嚟揾亞好。(叫艇呀,去花地呀)墟巴嘈閉,確機沽。你語我言,嚟講數 。有哋話要一文,有哋又話要八毫。佢兩個唔講價錢,充闊佬。一脚踏左落艇,就叫撑篙。(開身開身)個陣亞奶掉應個應個槳環 ,大妗有搖硬枝櫓。(而咽而咽)一程掉入,花地濠。兩個商量,個筆路。重想話原艇將來,做躉舖。誰知隻艇,正話娶左個新家嫂。一於唔肯,敢就無符。幾多調笑,然後正講到為夫婦 。亞梁個陣,費招呼。即着應承,依佢敢做。行行不覺,到了花地濠。紅男綠女,唔計數。天時和煦,日輪高。搖 到翠林,灣泊好。睇見佢兩人上岸,重慘過路入薇蕪。

拖住手,入去翠林圍。對對雙雙,拍硬肩。為避遊人,隨路轉。(女喉)(亞海哥,你睇吓)哋牡丹開放,幾咁鮮妍。重有個樹桃花,紅到上面。(男喉)(哈哈)紅到你面 ,你唔係發花顛。(女喉)(釆,乜你講得咁大聲)你唔怕人地聽見。(喂喂)你睇個班亞紥仔,個幾對金蓮。真係野蠻,蠻到極點。(哈哈,喂喂)你又睇吓個個伯爺公 ,個條辮。(拿拿,重得意,重得意,呢幾個個額頭有記認嘅拿)佢一實係黃大仙處出嚟,唔在辨。點解而家世界,重有咁多女子去信神權。(唔好話人亞)人有人家個一便 ,我至唔鍾意,不過係食洋烟。一路行時,一路轉。週圍遊過,翻落船。不歇依然,問實個件,好似從心所欲,就出生天。好水好風,回步轉。兩個爭嚟,俾艇錢 。直程上岸,入沙面。情絲一縷,兩相牽。重想話去泮塘,遊吓個皇帝殿。誰知一撞撞着,個豆皮連。見佢兩人,形跡發現。上前詰問,鬼馬多端。即時拉佢 ,入巡警局堶情C原來阿海,做阻巡目有兩三年。預備開堂,拈定鎖鍊。幾番問訊,執定籐鞭。誰想亞蘇,唔係乜顧面。直成供認,要共佢結姻緣。一段案情,成了古典。問官個吓,幾咁囉孿 。立即傳佢母親,嚟做證見。要佢回家管束,不得違言。留下海哥,要詳禀上憲。話佢顯干法律,要懲愆。暫下呢件案情,唔知點。亞蘇聽見,一定淚交漣 。但係人想自由,須要自便。首先要跳出,個個專制圈。如果係體貼人情,怕亞海哥,重有得你見面。你唔駛怨,惟是講到自由嘅道德,亦都唔好亂咁去癡纏。


林風眠   1900 ~ 1991
吳冠中 1919 ~ 2010
關山月 1912 ~ 2000
高奇峰   1889 ~ 1933

本站旨在弘揚和傳承源遠流長之中國文化,網頁內容或有轉鈔各名家著論。如有謬誤及冒犯著作權益,請即指正 ,自當修改刪除。